Тропарь, глас 2

Дивный и славный угодничеХристов, /
славы и почестей всяческих бегая, в пустыни Исетской вселился еси, /
созидая в молитвах обитель твою, / аки стены Иерусалимския, /
заступничество Царицы Небесныя чудесно обрел еси, /
страхом Божиим к стопам твоим повергая бывшаго врага /
и вновь воздвигни сердца наша, отступлением оскверненныя.

Кондак, глас 2

Молитвами и верою обитель свою оградивый, /землю Исетскую изрядно преобразивый, /блаженным успением честное старчество запечатлевый, /явлением мощей твоих нас не оставивый, /отче наш преподобне Далмате, /и ныне предстани и заступи чтущих святую память твою.

Икос

Пришествие в видении некоем к тебе и сыну твоему препрославленнаго Сергия и иных святых чудотворцев устрои тебе Господь; небесное прославление и пир сотвори, яко единому от возлюбленных Своих, отче досточудне и доброзрачне, отложил еси прославление твое земное на конец времен; слезами умиления и тайнозрением нас восхищаяй, и ныне предстани и заступи чтущих святую память твою.

(составлен прот. Александром Никулиным,
автором службы и акафиста прп. Далмату Исетскому)

Тропарь, глас 7

От мира крыяся, и славы человеческия избегая, удалился еси в пустыню, и вселися в вертепе преподобне, единому Богу беседуя, и в заповедех Его до конца пребыл еси, и наставив многия ко спасению; темже и Господь тебе прослави, и ныне в небесных селениих, моли Того присно отче Далмате, спасти душа наша.

Кондак, глас 2

В молитвах неусыпая преблаженне, наставник изящныи иноком явися, и обитель Пречистей Богородице состави, веру же отеческую соблюде до смерти, темже венец живота прием на Небеси, моли о нас отче Далмате.

Икос

Пустыню град сотворил еси отче, труды и слезы твоими, постом же и бдении и молитвами, очистив души своея зерцало, присно взираше ко Господу, памятию смертною ум ограждая, темже смертию честною пред Господем, в вышния кровы престав́ися блаженне, идеже ликовствуя со ангелы, чисте зриши Святую Троицу, Еяже предстоя престолу, моли о нас отче Далмате.

(составлены в старообрядческой среде).

Kontakion, Tone 8

Having been a valiant warrior for an earthly king,* thou didst abandon everything for the service of the King of Heaven.* Leading an army of warriors against enemies visible and invisible,* with the sword of the Spirit and the aid of the Queen of Heaven thou didst repel their assaults.* Now in the heavens, do not cease to entreat Christ, O holy Father Dalmatus,* that we who venerate thy memory may obtain great mercy and cry out in gratitude to God: Alleluia.

(составлен в Свято-Германовском братстве, США)